01 augustus 2019, Dialectaovend op Landgoed Kotmans

VÖLLE VOLK BI’J DIALECTAOVEND OP KOTMANS.

Donderdagaovend 1 augustus kwammen ongeveer 90 dialectleefhebbers naor landgood Kotmans in Miste umme daor te luusteren naor de schrievers Frits Kolkman (Borculo), Joop Hekkelman (Gorssel) en Jan Saalmink (Zelhem).
’t Was ne mooien windstillen zommeraovend en allene ’n trein was ’n paar keer op de achtergrond te heuren.
Frits Kolkman droog gedichten veur oet eigen wark, o.a. ovver: “Muggen”, ”Scholten”, ”Vergane glorie”, “Relaties”, “De IJssel”, “Naozommeraovend”, “Fikkie”, “Klaas Zonderling”, “Wintermorgen” en “Olden Appelboer” .
Joop Hekkelman las verhalen en columns veur oet eigen wark, ze gingen o.a. ovver: “Pilletje”, ”Grond vot”, “At ’n stof is edaald”, “Namen van vrogger” en “Geboortehoes”.
Jan Saalmink las verhalen en gedichten veur oet eigen wark, dat ging ovver “Chinees aeten”, “Samen op reis”, “Klaterpeppels”, “Tante Kee” en zien leste verhaal ging ovver de geschiedenis van ne Hohner trekharmonica den al honderd jaor old was. Jan had den trekharmonica ok met enommene en heel mooi klonk het nummer: “Aan de grens van de Duitse heuvelen” ovver landgood Kotmans.
Veurzitter Diana Abbink bedanken an ’t ende van ’n mooien aovend de dree schrievers, dee nog een daverend applaus met naor hoes mochten nemmen.


De foto's  kö'j bekieken in 't fotoalbum