08 december 2019, Met Dialect op de koffie

SFEERVOL MET DIALECT OP DE KOFFIE

Maer as 175 dialectleefhebbers kwammen zondagmorgen 8 december naor Erve Kots in Leevelde umme in ne mooi versierde zale te luusteren naor verhalen van Hans de Graaf oet Aalten en Hans Hinkamp oet Lechtenvoorde. Beide komt van geboorte oet Brevoort en hebt daor naost mekare ewont.

Veurzitter Diana Abbink gaf in eur openingswoord an, dat d’r sinds de erkenning van de Nedersaksische taal financiële middelen beschikbaor komt bi’j de provincie’s.

Hans de Graaf las verhalen veur ovver:
Karstmissen
De voorbak veur Jezus
Neet geleuvig (verhaal H. Krosenbrink)
Zekerheden (gedicht H. Lettink)
Boeten darp

Nao de pauze las Hans Hinkamp een eigen verhaal veur ovver “Het beleg”. Het verhaal begon met zienen eigen stamboom, vanaf het jaor 1588. Grolle, maor veural het beleg van Brevoort, spöllen in het verhaal ne belangrieke rolle.
De leu op de “Daele” van Erve Kots gingen in gedachten roem 400 jaor terugge in de tied.

“Fijne Feestdage” veur iederene, wensen Diana Abbink an ’t ende van dissen mooien morgen.

De foto's  kö'j bekieken in 't fotoalbum.