04 februari 2018, Met dialect op de koffie

“HERMAN VAN VELZEN” TROK VÖLLE VOLK

Zondagmorgen 4 februari 2018 kwammen d’r bi’jnao 150 dialectleefhebbers naor Erve Kots in Leevelde umme te lusteren naor ne laezing van Theo Roes (1934) den vertellen ovver zien vader Frans Roes (1902-1974) den schreef onder het pseudoniem Herman van Velzen
Zien aerste verhaal schreef Frans Roes onder het pseudoniem Manus Kruuthof en kwam in de Hengelse Krante.
Later kwammen d’r meer as 2000 verhalen van ziene hand in de “Graafschapbode”. Dezelfde verhalen verschenen grotendeels ok in bookvorm.
Theo Roes vertellen op kostelijke wieze verhalen van zien vader.
Dat wazzen serieuze- maor ok humoristische verhalen, dee allemaole in de smaak velen bi’j de anwezigen.
Van veurzitter Diana Abbink mocht Theo Roes ne enveloppe met inhold in ontvangst nemmen en daornaost kreeg e een  jaorabonnement op de Moespot, het kwartaalblad dat heurt bi’j het lidmaotschap van de Dialectkring Achterhook & Liemers.

De foto's  kö'j bekieken in 't fotoalbum