03 februari 2019 Met dialect op de koffie

VOLLE VOLK BI’J “MET DIALECT OP DE KOFFIE”

Meer as 150 dialectleefhebbers kwammen zondagmorgen 3 februari 2019 naor Erve Kots in Leevelde umme te luusteren naor de verhalen van twee rasvertellers. Doodstille was het in de zale ton Joop Lammers (75) oet Breedenbroek de Achterhookse legende vertellen van de Duvelheurntjes op brandewien. De legende is eschrevvene deur Bert Scheuter oet Varsseveld. Het verhaal, dat ondersteund worden met geloedseffecten, spöllen in Sinderen op ne naren, waterkolden aovend in ’t naojaor van 1660. Met ziene donkerbroene stemme wis Joop de andacht van het publiek van de aerste töt de leste minute vaste te hollen.
Nao de pauze was Jan te Brinke (80) oet Wenterswiek an de beurte. Hee stellen zich veur as Jan te Brinke, de bakker oet Miste. Jan vertellen op humoristische wieze korte verhalen ovver zien warkzame laeven. Daor tussendeur spöllen e nog een paar nummers op zienen accordeon.
An ’t ende van ’n morgen mochten alle bezeukers gratis de jubileum-DVD “Dialect-gezichten”  metnemmen.

De foto's  kö'j bekieken in 't fotoalbum.