17 december 2020, Bomenplanten

Lex Schaars plant boom veur WALD-metwarkers an ’t Schrieverspad.

Donderdagmeddag 17 december 2020 kwam Lex Schaars (79) met zien vrouwe Cora naor het landgood Kotmans in Wenterswiek-Miste. Met z’n beiden mochten ze daor ne eke planten veur alle metwarkers van het WALD ( Woordenboek van de Achterhoekse en Liemerse Dialecten).
Namens de Dialectkring Achterhook en Liemers had ne speciale commissie disse kere de metwarkers van het WALD enominaerd.

Deur Covid-19 kon daor helaas gin publiek bi’j worden oet-eneugd, allene het bestuur van de Stichting Schrieverspad was anwezig. Nao ’n kort welkomstwoord van Henk Berenschot, veurzitter van de Stichting Schrieverspad, kreeg Lex Schaars de batse in de hande en kon e ’t restant van ’t plantgat dichtegooien.
Op ne mooie plaatse an ’t Schrieverspad steet noo ne scharlaken eke.

Nao afloop van de korte plechtigheid ging men naor ’t informatiecentrum veur ’n köpken koffie met ne groten karstkrans. Daor had Lex Schaars nog ’n aardig kadootjen veur iederene.
Hee was precies op dissen dag jäorig en had veur allemaole een pakketjen met karstchocolaatjes  met-ebracht.

At de tied d’r good veur is, zal an ’t planten van ’n ni’jen boom roem andacht worden eschonkene.

De foto's kö'j bekieken in 't fotoalbum

Hier is een film van het planten :