04 november 2017 Bomenplanten

SCHRIEVERSPAD WAER GROTER

Zaoterdag 4 november 2017 kwam d’r ne groep van ne kleine dartig leu naor Miste onder Wenters umme met te makene, dat d’r waer twee beume eplant worden. ’t Was veur de vaertiende kere en prachtig mooi harfstwaer.
Mevrouw Jennine van de Plassche-Staring en eur zuster An mochten ne inlandsen karsenboom (Prunus avium) planten veur A.C.W. Staring (1767-1840). Staring was, naost ziene activiteiten op gebied van o.a. landbouw, onderwies en politiek, ne romantischen dichter, den as aersten ne lieste maken met woorden in de streektaal. De lieste is deur het veurmalige Staring Instituut oet egevvene.
Veur de dichter G. Odink (1916-1978) ‘De Hölter’ moch de familie Odink ne Amerikaansen eke planten.
Odink schreef vanaf ca. 1936 o.a. gedichten in de streektaal, waorin zien eigen geveul töt oetdrukking kwam, iets wat in dee tied in de dialectpoëzie neet gebrukelijk was. Odink was behalve actief in de bouwwereld, ok ne neet onverdienstelijken muzikant, zanger en voetballer.
Bi’j de beume kump ’n bordjen te staon met ne tekst of ’n topasselijk gedicht.

Nao het beumeplanten bleven de leu nog ’n zetken gemeudelijk naopraoten bi’j café-restaurant ‘Den Tappen’, waorbi’j de familie van Staring en Odink anekdotes ovver eure veurolders vertellen.

Zee staot der.

Bi'j een stralende zönne he-w zaoterdag 04 november as Dialectkring Achterhook en Liemers beume to-evoegd an 't Schrieverspad op Landgoed Kotmans in Miste
De commissie hat der twee enominaerd wel postuum in anmarking kwamen veur 'n boom :
A.C.W. Staring (1767-1840), Vorden
G. Odink (De Hölter) (1916-1978), Eibergen
Naokommelingen van eur stonden an de schöppe en hebt 'n Inlandsen karseboom en 'n Amerikaansen aeke eplant.
Nao afloop bu-w gezellig bi-j mekare ewest bi-j 'n Tappen um de beume nat te maken.
Twee vrouwelijke naozaoten van Staring en 'n zönne van Odink hebt boeiend verteld ovver laeven en wark dat eure stamvaders nao-elaoten hebt.
Zee bunt greuts met de erkenning.

De jury

De foto's  kö'j bekieken in 't fotoalbum