Nedersaksisch

De Germaanse talen beheurt tӧt de Indo-Europese talen en wordt onderverdeeld in:

- Noord-Germaans (Noors, Zweeds, Deens, Ieslands, Faerӧers)
- West-Germaans (Engels, Fries, Duuts, Nederduuts)
- Oost-Germaans (Gotisch, oet estorven).

Het Nederduuts is dus een onderdeel van het West-Germaans en besteet oet:
- het Nederfrankisch: in het zuden en westen van Nederland en in Vlaanderen. Hieroet is het algemeen Nederlands ontstaon.
- Oostnederduuts.
- Nedersaksisch: in het oosten en noorden van Nederland en het noorden van Duutsland.

Het Nedersaksisch is dus een Indo-Europese West-Germaanse Nederduutse taal, dee esprokken wordt in het noordelijk deel van Duutsland en in het noordelijk en oostelijk deel van Nederland, t.w. in de provincies Grӧnningen, Drente en Aoveriessel, op de Veluwe, in den Achterhook en in de Stellingwarven. Aover onze oostgrenze strekt het Nedersaksisch zich oet tӧt in Mecklenburg-Vorpommern, as ok tӧt in een deel van Polen.

Erkenning.
Onder het "Europees Handvest veur Regionale talen en talen van minderheden" wordt het Nedersaksisch no, zowal in Nederland as in Duutsland, officieel as taal erkend.
Der bestaot twee nivo's van disse erkenning. Bi'j erkenning volgens deel III, zo as bi'jveurbeeld bi'j het Fries het geval is, meugt de inwonners van dee provincie kiezen tussen Nederlands en Fries as eure standaardtaal. Daornaost is de aoverheid verplicht het gebroek van dee taal actief an te meudigen. Het Nedersaksisch hef op dit moment een legere erkenning, nl. volgens deel II van het Handvest. De inwonners van disse gebieden meugt neet kiezen, maor de aoverheid is wal verplicht het gebroek van dee taal an te meudigen.

De stichting SONT (Streektaal Organisatie in het Nedersaksisch Taalgebied), de aoverkoepelende organisatie van instellingen, dee zich bezigholdt met de streektalen in het Nedersaksisch taalgebeed, stelt zich as doel de belangen van het Nedersaksisch te behartigen.  De hoofddoelstelling is het verwarven van de erkenning van het Nedersaksisch volgens deel III van het Europees Handvest.

 

Het kaartje toont het deel van Nederland waor Nedersaksisch esprokken wordt.gebied-nl.jpg