04 juli 2019, Dialectaovend op Landgoed Kotmans

NE MOOIEN ZOMMERAOVEND MET MOOIE VERHALEN.

Donderdagaovend 4 juli kon veurzitter Diana Abbink van de Dialectkring Achterhook & Liemers ongeveer 80 dialectleefhebbers welkom heten bi’j het Schrieverspad op landgood Kotmans in Miste.
Al disse leu wazzen ekommene umme te luusteren naor een dreetal dialectvertellers.
Gerard Uwland oet Raotum las 4 verhalen veur oet eigen wark : “Zelf greunte verbouwen”, “Slaopkamerproblemen”, “Ne hond oppassen” en “Vakantie”.
Maria Stammers oet Grolle vertellen oet het book “Grolse verhalen van Brookhutjens Teet” (Theo Brockötter 1932-2017) het verhaal: “De bevri’jding van Grolle” en oet het book “Eigen Weg” (Thea Onnink 1952-2018) de verhalen: “Dat gebeurt maor ene kere” en “Grote vakantie” .
Joop Lammers oet Breedenbroek las het gedicht “Mien taal” veur van Joop Keurentjes en de verhalen ”Vieftig jaor in de kruwagen” van Jan Denkers (1917-1995) en “Hendrika” van Dini Hiddink (1940-2017).
In de pauze was d’r gelaegenheid umme beuke te kopen en ovver het Schrieverspad te wandelen.
Umme good half tiene gingen de leu waer op hoes an, met ’n heufd vol verhalen.

De foto's  kö'j bekieken in 't 
fotoalbum