03 maart 2019, Beste boek Achterhook en Liemers

VÖLLE VOLK BI’J ’T BEGIN VAN DE WAEKE VAN HET ACHTERHOOKSE EN LIEMERSE BOOK.

Ne kleine 150 dialectleefhebbers en andere leu kwammen zondagmorgen 3 maert  naor Erve Kots in Leevelde umme ’t begin van de waeke van het Achterhookse en Liemerse book met te maken. Diana Abbink van de Dialectkring Achterhook en Liemers en Joop Hekkelman van Vrienden van de streektaal Lochem e.u. presentaerden met mekare het programma, dat samen met het ECAL was georganisaerd.

Annette Akkerman oet Maarssen, Annemarie Damveld oet Grolle en Jan Saalmink oet Zelhem lazen eur bi’jdrage an “Flonkergood” veur. Flonkergood (Een handvol verhalen oet Achterhook en Liemers) is het beuksken, dat kopers van streekbeuke gratis kriegt in waeknummer 10 van 2019.

Gelderlandercolumnist Bert Scheuter oet Varsseveld heel ne inleiding ovver streektaal en waerman Gerrit Vossers oet Silvolde vertellen op humoristische wieze ovver ’t waer. Gerrit Vossers kreeg ok de “Opstaeker”, een beeldjen van ne opgestokken doem as waardering veur zien taalgebroek bi’j ziene waerpräötjes, dat deut e meestal in het Nedersaksisch.

As beste book van Achterhook en Liemers 2018 kwam “De weerld C”, woordenboek van de Achterhoekse en Liemerse Dialecten op de 1e plaats. (Subtitel De mens en de weerld – C ).

Dr. A.H.G. Schaars en Drs. H.J. Lieftink hebt dit 11e woordenbook van het WALD samen esteld, ne oetgave van Erfgoedcentrum Achterhoek en Liemers / Mr. H.J. Steenbergenstichting.

Klik hier voor het jury rapport.

De foto's  kö'j bekieken in 't fotoalbum